Kerala
കൂടൽമാണിക്യ ക്ഷേത്രത്തിൽ ഈഴവന് ജോലി നിഷേധിച്ചത് സാംസ്കാരിക കേരളത്തിന് അപമാനം; മന്ത്രി വാസവൻ
തിരുവനന്തപുരം: കൂടല്മാണിക്യ ക്ഷേത്രത്തിലെ ജാതി അധിക്ഷേപ സംഭവത്തില് നിയമസഭയില് പ്രതികരിച്ച് ദേവസ്വം വകുപ്പ് മന്ത്രി വി എൻ വാസവന്.
സംഭവം അപമാനകരമാണെന്ന് മന്ത്രി പറഞ്ഞു. ദേവസ്വം നിയമിച്ച ബാലു ഈഴവ സമുദായത്തില് നിന്നുള്ളയാളാണെന്നും നിയമപ്രകാരമാണ് ബാലുവിനെ നിയമിച്ചതെന്നും മന്ത്രി പറഞ്ഞു.
‘ബാലു കഴകക്കാരനായി ജോലി ചെയ്തേ മതിയാകൂ. ജോലി നിഷേധിച്ചത് സാംസ്കാരിക കേരളത്തിന് അപമാനം. നവോത്ഥാന നായകര് ഉഴുതുമറിച്ച നാടാണ് കേരളം. ഇപ്പോഴും കേരളത്തില് ജാതി അധിക്ഷേപം നിലനില്ക്കുന്നു. കാലഘട്ടത്തിന് യോജിച്ച സമീപനം അല്ല തന്ത്രിമാരുടേത്’, മന്ത്രി പറഞ്ഞു