Kerala
ആഗോള അയ്യപ്പ സംഗമം: ദേവസ്വം ബോര്ഡിന് 3 കോടിയിലേറെ നഷ്ടം?
തിരുവനന്തപുരം: ആഗോള അയ്യപ്പ സംഗമം നടത്തിയതില് തിരുവിതാംകൂര് ദേവസ്വം ബോര്ഡിന് മൂന്നു കോടി 40 ലക്ഷം രൂപ നഷ്ടമെന്ന് റിപ്പോര്ട്ട്. ബോര്ഡിന് ചെലവായ തുക പൂര്ണമായും സ്പോണ്സര്ഷിപ്പിലൂടെ കിട്ടിയില്ല. അയ്യപ്പ സംഗമത്തിന് ദേവസ്വം ബോര്ഡ് അഡ്വാന്സായി നല്കിയത് മൂന്നു കോടി രൂപയാണ്. സ്പെഷല് കമ്മീഷണര് ഓഡിറ്റ് റിപ്പോര്ട്ട് ഹൈക്കോടതിയില് സമര്പ്പിച്ചു.
ഫണ്ട് വിനിയോഗത്തില് അവ്യക്തതയെന്ന് ഹൈക്കോടതിയില് സമര്പ്പിച്ച റിപ്പോര്ട്ടില് സൂചിപ്പിക്കുന്നു. അയ്യപ്പസംഗമം തീരുമാനിച്ച വിവരം ദേവസ്വം മിനിറ്റ്സില് രേഖപ്പെടുത്തിയിട്ടില്ല. പി എസ് പ്രശാന്ത് തിരുവിതാംകൂര് ദേവസ്വം ബോര്ഡ് പ്രസിഡന്റ് ആയിരുന്നപ്പോഴാണ് ആഗോള അയ്യപ്പ സംഗമം നടത്തിയത്. അയ്യപ്പ സംഗമത്തിന് വേണ്ടി ഒരു രൂപ പോലും സര്ക്കാരില് നിന്നോ ദേവസ്വം ബോര്ഡില് നിന്നോ കൈപ്പറ്റാന് പാടില്ലെന്നായിരുന്നു കോടതിയുടെ നിര്ദേശം.