Kerala
കേന്ദ്ര ബജറ്റ്; അതിവേഗ റെയില് ഇടനാഴിയില് കേരളം ഇല്ല
ന്യൂഡല്ഹി: അതിവേഗ റെയില് ഇടനാഴിയില് കേരളം ഇല്ല. ഏഴ് അതിവേഗ റെയില് ഇടനാഴികളാണ് ധനമന്ത്രി നിര്മ്മലാ സീതാരാമന് പ്രഖ്യാപിച്ചത്. മുംബൈ-പൂനെ, പൂനെ-ഹൈദരാബാദ്, ഹൈദരാബാദ്-ബെംഗളൂരു, ഹൈദരാബാദ്-ചെന്നൈ, ചെന്നൈ-ബെംഗളൂരു, ഡല്ഹി-വാരാണസി, വാരാണസി-സിലിഗീരി എന്നിവയാണ് ഏഴ് അതിവേഗ റെയില് കോറിഡോറുകള്. തുടര്ന്ന് പ്രതിഷേധ സൂചകമായി കേരളത്തില് നിന്നുള്ള എംപിമാര് കേരളം, കേരളം…എന്ന് വിളിച്ചുപറഞ്ഞു.
അതേസമയം കേരളം അടക്കം നാല് സംസ്ഥാനങ്ങളെ ബന്ധിപ്പിക്കുന്ന ധാതു ഇടനാഴി പ്രഖ്യാപിച്ചു. കേരളം, തമിഴ്നാട്, ആന്ധ്രപ്രദേശ്, ഒഡിഷ സംസ്ഥാനങ്ങളെയാണ് പദ്ധതിക്കായി പരിഗണിച്ചത്. ധാതു സമ്പുഷ്ടമായ ഈ സംസ്ഥാനങ്ങളില് ധാതു ഖനനം, സംസ്കരണം അടക്കമുള്ള കാര്യങ്ങള് വര്ധിപ്പിക്കാനാണ് കേന്ദ്രസര്ക്കാര് ലക്ഷ്യമിടുന്നതെന്ന് ധനമന്ത്രി വ്യക്തമാക്കി.