India
ടിവികെയുടെ മുഖ്യമന്ത്രി സ്ഥാനാര്ത്ഥിയായി വിജയ്യെ തീരുമാനിച്ചു
ചെന്നൈ: തമിഴക വെട്രി കഴകത്തിന്റെ മുഖ്യമന്ത്രി സ്ഥാനാര്ത്ഥിയായി വിജയ്യെ തീരുമാനിച്ചു.
എഐഎഡിഎംകെ സഖ്യത്തിനായുള്ള ശ്രമങ്ങള് ടിവികെ തള്ളിയതിന് പിന്നാലെയാണ് വിജയ്യെ തന്നെ സ്ഥാനാര്ത്ഥിയാക്കാനുള്ള തീരുമാനം കൈക്കൊണ്ടിരിക്കുന്നത്. മഹാബലിപുരത്ത് ചേര്ന്ന ടിവികെ ജനറല് കൗണ്സിലാണ് ഇതിനുള്ള പ്രമേയം പാസാക്കിയത്.
കരൂര് ദുരന്തത്തിന് പിന്നാലെ ടിവികെ പാര്ട്ടിയുമായും വിജയ്യുടെ രാഷ്ട്രീയ ഭാവിയുമായും ബന്ധപ്പെട്ട് നിരവധി അഭ്യൂഹങ്ങള് പുറത്ത് വന്നിരുന്നു.
ഇതിനെല്ലാം വിരാമമിട്ടുകൊണ്ടാണ് ടിവികെ മുഖ്യമന്ത്രി സ്ഥാനാര്ത്ഥി പ്രഖ്യാപനം നടത്തിയിരിക്കുന്നത്. വിജയ് യുടെ ഭാവി കാര്യങ്ങള് തീരുമാനിക്കുന്നതിന് ചേര്ന്ന ജനറല് ബോഡി യോഗത്തിന്റെ നിര്ണായക തീരുമാനമാണ് വിജയ് തന്നെ മുഖ്യമന്ത്രി സ്ഥാനാര്ത്ഥി എന്നത്. ഇതോടെ 2026-ല് തമിഴ്നാട്ടില് നടക്കുക പൊടിപാറുന്ന പോരാട്ടമായിരിക്കുമെന്ന് ഉറപ്പിച്ചിരിക്കുകയാണ് രാഷ്ട്രീയ നിരീക്ഷകര്.