Kerala
ആലപ്പുഴ അല്ലെങ്കില് തൃശൂര്, എയിംസില് ഒറ്റ നിലപാടേ ഉള്ളൂ: സുരേഷ് ഗോപി
സംസ്ഥാനത്ത് എയിംസ് അനുവദിക്കുന്നതില് ഒറ്റ നിലപാടേ ഉള്ളൂവെന്ന് കേന്ദ്രമന്ത്രി സുരേഷ് ഗോപി. ആലപ്പുഴ അല്ലെങ്കില് തൃശൂരിലാണ് എയിംസ് സ്ഥാപിക്കേണ്ടത്.
ഇക്കാര്യം 2016 ലേ പറഞ്ഞിട്ടുള്ളതാണ്. എയിംസ് ഏതു ജില്ലയിലാണെങ്കിലും കുഴപ്പമില്ലെന്ന് എം ടി രമേശ് വ്യക്തമാക്കിയിട്ടുണ്ടെന്നും കേന്ദ്രമന്ത്രി സുരേഷ് ഗോപി പറഞ്ഞു.
എയിംസ് തുടങ്ങാന് യോഗ്യമായ പ്രദേശം ആലപ്പുഴയാണെന്ന് കേന്ദ്രമന്ത്രി സുരേഷ് ഗോപി നേരത്തെ പറഞ്ഞിരുന്നു. വികസനത്തില് ഏറെ പിന്നാക്കം നില്ക്കുന്ന ആലപ്പുഴ ജില്ലയെ മുന്നോട്ട് കൊണ്ടുവരണം.
രാഷ്ട്രീയ ലക്ഷ്യത്തോടെ എയിംസ് ആലപ്പുഴയില് വേണ്ടെന്ന് ആരെങ്കിലും പറഞ്ഞാല് അത് നിര്ബന്ധമായും തൃശൂരില് കൊണ്ടുവരുമെന്നും സുരേഷ് ഗോപി വ്യക്തമാക്കിയിരുന്നു.