India
നിയമസഭ പാസാക്കുന്ന ബില്ലുകളിൽ രാഷ്ട്രപതി മൂന്ന് മാസത്തിനകം തീരുമാനമെടുക്കണം; സുപ്രീംകോടതി
നിയമസഭകൾ പാസ്സാക്കി അനുമതിക്കായി അയക്കുന്ന ബില്ലുകളിൽ രാഷ്ട്രപതി മൂന്ന് മാസത്തിനുള്ളിൽ തീരുമാനമെടുക്കണമെന്ന് സുപ്രീംകോടതി. തീരുമാനം വൈകിയാൽ അതിനുള്ള കാരണം സംസ്ഥാന സർക്കാറിനെ രേഖാമൂലം അറിയിക്കണമെന്നും കോടതി ഉത്തരവിട്ടു.
ഇതാദ്യമായാണ് നിയമസഭകൾ പാസ്സാക്കുന്ന ബില്ലുകളിൽ തീരുമാനം എടുക്കാൻ രാഷ്ട്രപതിക്ക് സുപ്രീംകോടതി സമയ പരിധി നിശ്ചയിക്കുന്നത്. നിയമസഭ പാസാക്കിയ ബില്ലുകള് തടഞ്ഞുവെച്ച ഗവര്ണറുടെ നടപടിക്കെതിരെ തമിഴ്നാട് സർക്കാർ നൽകിയ ഹരജിയിലാണ് ഉത്തരവ്.
നേരത്തെ, ബില്ലുകൾ അനന്തമായി പിടിച്ചുവെക്കാൻ ഗവര്ണര്മാര്ക്ക് അധികാരമില്ലെന്നും തമിഴ്നാട് നിയമസഭ പാസാക്കിയ ബില്ലുകള് തടഞ്ഞുവെച്ച ഗവര്ണറുടെ നടപടി ഭരണഘടനാ വിരുദ്ധമെന്നും കോടതി വിമര്ശിച്ചിരുന്നു.