Kerala
മന്ത്രി സണ്ണി ജോസഫിന്റെ പേഴ്സണൽ സ്റ്റാഫിൽ ബന്ധു നിയമനം
തിരുവനന്തപുരം: വൈദ്യുതി മന്ത്രി സണ്ണി ജോസഫിന്റെ പേഴ്സണല് സ്റ്റാഫില് ബന്ധു നിയമനം. അഡീഷണല് പ്രൈവറ്റ് സെക്രട്ടറിയായി സഹോദരീ ഭര്ത്താവ് ബെന്നി തോമസിനെയാണ് നിയമിച്ചത്. ഡിസിസി ജനറല് സെക്രട്ടറിയും മുന് ഉളിക്കല് പഞ്ചായത്ത് പ്രസിഡന്റുമായിരുന്നു ബെന്നി തോമസ്.
ആരോപണങ്ങള്ക്കിടെ ബെന്നി തോമസിന് പിന്തുണയുമായി ധര്മടത്തെ യുഡിഎഫ് സ്ഥാനാര്ത്ഥിയായിരുന്ന അബ്ദുൾ റഷീദ് രംഗത്തെത്തി. കണ്ണൂരിലെ ഏറ്റവും കരുത്തനായ കോണ്ഗ്രസ് നേതാവാണ് ബെന്നി തോമസെന്ന് അബ്ദുൾ റഷീദ് ഫേസ്ബുക്കില് കുറിച്ചു.
യൂത്ത് കോണ്ഗ്രസ് ഉളിക്കല് മണ്ഡലം പ്രസിഡന്റ്, കോണ്ഗ്രസ് ഉളിക്കല് മണ്ഡലം പ്രസിഡന്റ്, സേവാദള് ചെയര്മാന്, ഡിസിസി ജനറല് സെക്രട്ടറി എന്നിങ്ങനെ നിരവധി സ്ഥാനങ്ങള് വഹിച്ചിട്ടുണ്ടെന്നും റഷീദ് കൂട്ടിച്ചേര്ത്തു.