പാലാ ളാലം പഴയ പള്ളിയിൽ നിത്യ സഹായ മാതാവിന്റെ നൊവേന തിരുന്നാൾ മൂന്നാം ദിവസം

പാലാ :സീറോ മലബാർ സഭയിൽ ആദ്യമായി നിത്യസഹായ മാതാവിൻ്റെ നൊവേന ആരംഭിച്ച ളാലം പഴയ പള്ളിയിൽ നിത്യസഹായമാതാവിന്റെ നൊവേന തിരുനാൾ നവംബർ 13 മുതൽ 22 വരെ ഭക്ത്യാഢംബര പൂർവ്വം ആഘോഷിക്കുന്നു .

തിരുനാൾ ദിവസങ്ങളിൽ രാവിലെ 5.30, 7, 9.30 എന്നീ സമയങ്ങളിലും വൈകുന്നേരം 4.30, 6.30 എന്നീ സമയങ്ങളിലും ആഘോഷമായ വിശുദ്ധ കുർബാനയും നൊവേനയും ഉണ്ടായിരിക്കും. എല്ലാ ദിവസവും രാവിലെ 4.30ന് ദിവ്യകാരുണ്യ ആരാധനയും ജപമാലയും വൈകുന്നേരം 4ന് ആഘോഷമായ ജപമാലയും ഉണ്ടായിരിക്കും. നവംബർ 21 ശനിയാഴ്ച വൈകുന്നേരം 4.30 ന്റെ വിശുദ്ധ കുർബാനയ്ക്ക് ശേഷം വാഹനവെഞ്ചിരിപ്പ് ഉണ്ടായിരിക്കും

പ്രധാന തിരുനാൾ ദിനമായ നവംബർ 22 ഞായറാഴ്ച രാവിലെ 4.15 മുതൽ പരിശുദ്ധ ദൈവമാതാവിന്റെ തിരുസ്വരൂപത്തിങ്കൽ പൂച്ചെണ്ട് സമർപ്പിക്കുന്നതിനുള്ള അവസരമുണ്ടായിരിക്കും. അന്നേദിവസം രാവിലെ 5.30, 7, 9.30 എന്നീ സമയങ്ങളിൽ ആഘോഷമായ വിശുദ്ധ കുർബാനയും നൊവേനയും നടക്കും.

ഉച്ചകഴിഞ്ഞ് 3ന് വാദ്യമേളം, 3.45ന് പ്രസുദേന്തിവാഴ്ച, 4ന് ആഘോഷമായ തിരുനാൾ കുർബാന, തിരുനാൾ സന്ദേശവും മാർ തോമ നസ്രാണി ദയറ കാപ്പുംതല അസി.റക്ടർ തോമസ് തയ്യിൽ തിരുനാൾ പ്രദക്ഷിണം, കൊടിയിറക്ക്, നൊവേന, പരിശുദ്ധ കുർബാനയുടെ ആശീർവാദം, സ്നേഹവിരുന്ന് എന്നിവയോടെ തിരുനാൾ ആഘോഷങ്ങൾക്ക് സമാപനമാകും.

പരിശുദ്ധ ദൈവമാതാവിന്റെ മാധ്യസ്ഥം വഴി ലഭിച്ച ദൈവാനുഗ്രഹങ്ങൾക്ക് കൃതജ്ഞതയർപ്പിച്ചുകൊണ്ട് മുത്തുക്കുടകൾ സമർപ്പിക്കുന്നതിനും തിരുനാൾ ദിവസങ്ങളിൽ അവസരമുണ്ടായിരിക്കും. നിത്യസഹായ മാതാവിൻ്റെ അനുഗ്രഹങ്ങൾ പ്രാപിക്കുന്നതിന് എല്ലാ മരിയ ഭക്തരെയും സ്നേഹപൂർവ്വം സ്വാഗതം ചെയ്യുന്നു.

തിരുനാൾ തിരുക്കർമ്മങ്ങൾക്ക് ഇടവക വികാരി ഫാ. ജോസഫ് തടത്തിൽ, പാസ്റ്ററൽ അസി.ഫാ. ജോസഫ് ആലഞ്ചേരിൽ, സഹവികാരിമാരായഫാ. പോൾ കുന്നുംപുറത്ത്, ഫാ. കുര്യാക്കോസ് കൂട്ടുങ്കൽ കൈക്കാരൻമാരായ ജോമോൻവേലിക്കകത്ത് ,ടെൻസൺ വലിയ കാപ്പിൽ, ജോർജുകുട്ടി ഞാവള്ളിൽ, സാബു തേനം മാക്കൽ കൺവീനർമാരായ രാജേഷ് പാറയിൽ, ലിജോ ആനിത്തോട്ടം എന്നിവർ നേതൃത്വം നൽകും

ഇന്നത്തെ തിരുക്കർമ്മങ്ങൾ 

രാവിലെ 4.30ന് ദിവ്യകാരുണ്യ ആരാധനയും ജപമാലയും നടക്കും. 5.30നും 7നും ആഘോഷമായ  വിശുദ്ധ കുർബാന, സന്ദേശം, നൊവേന എന്നിവ ഉണ്ടായിരിക്കും. രാവിലെ 9.30ന് ലദീഞ്ഞിനുശേഷം ആഘോഷമായ വിശുദ്ധ കുർബാനയും സന്ദേശവും നൊവേനയും നടക്കും.
വൈകുന്നേരം 4ന് ആഘോഷമായ ജപമാലയ്ക്ക് DST പ്രൊവിൻഷ്യൽ ഹൗസ് കോൺവെന്റും SMYM-ഉം നേതൃത്വം നൽകും.
4.30ന് ആഘോഷമായ വിശുദ്ധ കുർബാന, സന്ദേശം, നൊവേന, പരിശുദ്ധ കുർബാനയുടെ ആശീർവാദം എന്നിവ നടക്കും. റവ. ഫാ. സിറിയക് തടത്തിൽ (മാഞ്ചസ്റ്റർ, സെന്റ് തോമസ് പ്രസ്, പാലാ) ശുശ്രൂഷകൾക്ക് നേതൃത്വം നൽകും.
വൈകുന്നേരം 6.30നും ആഘോഷമായ വിശുദ്ധ കുർബാന, സന്ദേശം, നൊവേന എന്നിവ ഉണ്ടായിരിക്കും.
അന്നേ ദിവസത്തെ വിചിന്തന വിഷയം മറിയത്തിന്റെ സ്തോത്രഗീതം (ലൂക്കാ 1:46–56) ആണ്.