Kerala
കാട്ടാന ആക്രമണം പരിശോധിക്കാന് എത്തിയ വനംമന്ത്രിയെ വഴിതടഞ്ഞ് കാട്ടാന
തൃശൂര്: കാട്ടാന ആക്രമണം പരിശോധിക്കാന് എത്തിയ വനംവകുപ്പ് മന്ത്രി ഷിബു ബേബി ജോണിനെ വഴിതടഞ്ഞ് കാട്ടാന. ഞായറാഴ്ച രാത്രി വാഴച്ചാല് അടുത്ത് ചാര്പ്പയിലായിരുന്നു സംഭവം നടന്നത്..
വാഴച്ചാല് ഫോറസ്റ്റ് ഗസ്റ്റ് ഹൗസിലേക്ക് പോവുകയായിരുന്ന മന്ത്രി ഷിബു ബേബി ജോണിന്റെയും സംഘത്തിന്റെയും വഴിമുടക്കിയാണ് ചാര്പ്പയില് കാട്ടാന നിന്നത്. വനം വകുപ്പ് ഉദ്യോഗസ്ഥരും പൊലീസും ചേര്ന്ന് ആനയെ തുരത്തിയ ശേഷമാണ് യാത്ര പുനഃരാരംഭിച്ചത്.
അതിനിടെ അതിരപ്പിള്ളിയില് കാട്ടാന ആക്രമണത്തില് കൊല്ലപ്പെട്ട മോഹനന്റെ വീട് മന്ത്രി ഷിബു ബേബി ജോണ് സന്ദര്ശിച്ചു. ഇന്ന് രാവിലെയാണ് മന്ത്രിയും സംഘവും മോഹനന്റെ വീട്ടില് എത്തിയത്. ഒരു മണിക്കൂറോളം കുടുംബത്തിന്റെയും നാട്ടുകാരുടെയും പരാതികള് മന്ത്രി കേട്ടു.