India
റഷ്യയില് നിന്ന് 288 എസ്-400 മിസൈലുകള് വാങ്ങാന് ഇന്ത്യ
ന്യൂഡല്ഹി: റഷ്യയില് നിന്ന് 10,000 കോടി രൂപ ചെലവില് 288 എസ്-400 മിസൈലുകള് വാങ്ങാന് ഇന്ത്യ. പ്രതിരോധ മന്ത്രി രാജ്നാഥ് സിങ്ങിന്റെ അധ്യക്ഷതയിലുള്ള ഡിഫന്സ് അക്വിസിഷന് കൗണ്സില് (ഡിഎസി) നിന്ന് ഇതുസംബന്ധിച്ച അനുമതി നല്കിയതായാണ് റിപ്പോര്ട്ട്. 120 ഹ്രസ്വദൂര മിസൈലുകളും 168 ദീര്ഘദൂര മിസൈലുകളും ഫാസ്റ്റ് ട്രാക്ക് പ്രൊസീജിയര് വഴിയാണ് വാങ്ങുന്നത്.
ഓപ്പറേഷന് സിന്ദൂറിന്റെ സമയത്ത് പാകിസ്ഥാന് യുദ്ധവിമാനങ്ങളെയും ഡ്രോണുകളെയും വെടിവച്ചിടാന് എസ്-400 സംവിധാനം വ്യാപകമായി ഉപയോഗിച്ചിരുന്നു. ആ സമയത്ത് തീര്ന്നുപോയ സ്റ്റോക്ക് നികത്താനാണ് പുതിയ നീക്കം. നിലവില് കരാറൊപ്പിട്ട രണ്ട് എസ്-400 മിസൈലുകള് കൂടി ഈ വര്ഷം ജൂണിലും നവംബറിലുമായി ഇന്ത്യയ്ക്ക് ലഭിക്കും.