Kerala
പ്രായപൂർത്തിയാകാത്ത പെൺകുട്ടിക്കെതിരെ ഗുരുതര ലൈംഗികാതിക്രമം; 27കാരൻ പിടിയിൽ
കോഴിക്കോട്: പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച കേസില് 27കാരന് പിടിയില്. പന്തീരങ്കാവ് സ്വദേശിയായ പെണ്കുട്ടിയെ പീഡിപ്പിച്ച കേസിലെ പ്രതി കക്കോടി ചാലിത്താഴം സ്വദേശി മേലെപുറത്ത് പറമ്പത്ത് വീട്ടില് അഗിനേഷിനെയാണ് പൊലീസ് പിടികൂടിയത്. 17 വയസുള്ള പെണ്കുട്ടിക്കെതിരെ പ്രതി ഗുരുതര ലൈംഗികാതിക്രമം നടത്തിയതായി പൊലീസ് വ്യക്തമാക്കി.
പെണ്കുട്ടിയുടെ അമ്മയുടെ പരാതിയിലാണ് പൊലീസ് കേസ് രജിസ്റ്റര് ചെയ്തിരിക്കുന്നത്. അന്വേഷണത്തിന് പിന്നാലെ പ്രതിയെ മെഡിക്കല് കോളേജ് പരിസരത്ത് വച്ചാണ് പ്രതിയെ പിടികൂടിയത്. പ്രതിയെ കസ്റ്റഡിയിലെടുത്ത് അറസ്റ്റ് രേഖപ്പെടുത്തിയ ശേഷം പ്രതിയെ കോടതിയില് ഹാജരാക്കി.