Kerala
സംസ്ഥാനത്ത് രണ്ട് ദിവസത്തിനുള്ളില് കാലവര്ഷം എത്തിയേക്കുമെന്ന് കേന്ദ്ര കാലാവസ്ഥാ വകുപ്പ്
തിരുവനന്തപുരം: സംസ്ഥാനത്ത് രണ്ട് ദിവസത്തിനുള്ളില് കാലവര്ഷം എത്തിയേക്കുമെന്ന് കേന്ദ്ര കാലാവസ്ഥാ വകുപ്പ്. കാലവര്ഷം എത്തുന്നതിന് അനുകൂലമായ സാഹചര്യം കേന്ദ്ര കാലാവസ്ഥാ വകുപ്പ് അറിയിച്ചു.
സംസ്ഥാനത്ത് ഒറ്റപ്പെട്ട ശക്തമായ മഴ തുടരും. ഇന്ന് ഒമ്പതു ജില്ലകളില് ശക്തമായ മഴ മുന്നറിയിപ്പുണ്ട്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, മലപ്പുറം, വയനാട് ജില്ലകളിലാണ് ഇന്ന് യെല്ലോ അലര്ട്ട് പുറപ്പെടുവിച്ചിട്ടുള്ളത്.
അടുത്ത 2-3 ദിവസങ്ങള്ക്കുള്ളില് തെക്കുപടിഞ്ഞാറന് അറബിക്കടലിന്റെയും തെക്കുകിഴക്കന് അറബിക്കടലിന്റെയും കൂടുതല് ഭാഗങ്ങള്, ലക്ഷദ്വീപ് പ്രദേശം, തെക്കുപടിഞ്ഞാറന് ബംഗാള് ഉള്ക്കടല്, മധ്യ-കിഴക്കന് ബംഗാള് ഉള്ക്കടല്, മധ്യ-പടിഞ്ഞാറന് ബംഗാള് ഉള്ക്കടല്,
തെക്കുകിഴക്കന് ബംഗാള് ഉള്ക്കടലിന്റെ അവശേഷിക്കുന്ന ഭാഗങ്ങള്, വടക്കുകിഴക്കന് ബംഗാള് ഉള്ക്കടലിന്റെ ചില ഭാഗങ്ങള് എന്നിവിടങ്ങളിലേക്ക് തെക്കുപടിഞ്ഞാറന് കാലവര്ഷം മുന്നേറുന്നതിന് അനുകൂലമായ സാഹചര്യങ്ങള് നിലനില്ക്കുന്നു.