Kerala
കര്ണ്ണന് മരണം വരെ ദുര്യോധനപക്ഷത്തായിരുന്നല്ലോ; ദിവ്യക്കെതിരെ പരോക്ഷ വിമർശനവുമായി രാഹുല് മാങ്കൂട്ടത്തില്
പാലക്കാട്: സിപിഐഎം കണ്ണൂര് സെക്രട്ടറിയായി തിരഞ്ഞെടുക്കപ്പെട്ട കെ കെ രാഗേഷിനെ അഭിനന്ദിച്ചുകൊണ്ടുളള ദിവ്യ എസ് അയ്യരുടെ പോസ്റ്റിനെതിരെ പരോക്ഷ വിമര്ശനവുമായി പാലക്കാട് എംഎല്എയും യൂത്ത് കോണ്ഗ്രസ് നേതാവുമായ രാഹുല് മാങ്കൂട്ടത്തില്.
കര്ണ്ണന് ആരായിരുന്നെങ്കിലും മരണം വരെ ധര്മ്മ പക്ഷത്തിനെതിരെ ദുര്യോധന പക്ഷത്തായിരുന്നുവെന്നും അപ്പോ സംഗതി ശരിയാണ് കുറ്റം പറയാന് പറ്റില്ലെന്നും രാഹുല് മാങ്കൂട്ടത്തില് പറഞ്ഞു. ‘അല്ല, കര്ണ്ണന് ആരായിരുന്നെങ്കിലും മരണം വരെ ധര്മ്മ പക്ഷത്തിനെതിരെ ദുര്യോധന പക്ഷത്തായിരുന്നല്ലോ?? അപ്പോ സംഗതി ശരിയാണ്. കുറ്റം പറയാന് പറ്റില്ല. അപ്പോ ചോദ്യമിതാണ്, ആരാണ് ഇവിടെ ദുരാഗ്രഹിയായ ദുര്യോദനന്?’ രാഹുല് മാങ്കൂട്ടത്തില് ഫേസ്ബുക്കില് കുറിച്ചു.