Kerala
രാഹുൽ മുങ്ങിയത് നടിയുടെ കാറിൽ, ഉറപ്പിച്ച് പൊലീസ്
തിരുവനന്തപുരം: ലൈംഗിക ആരോപണക്കേസിൽ പ്രതിയായ രാഹുൽ മാങ്കൂട്ടത്തിലുമായി അടുത്ത ബന്ധമുള്ള യുവ നടിയെ അന്വേഷണ സംഘം വിളിപ്പിക്കും.
നോട്ടീസ് നൽകി ചോദ്യം ചെയ്യാനാണ് പൊലീസ് നീക്കം. രാഹുൽ രക്ഷപ്പെട്ടത് നടിയുടെ ചുവന്ന പോളോ കാറിൽ തന്നെയെന്ന് അന്വേഷണ സംഘത്തിന് സ്ഥിരീകരിക്കുന്ന വിവരങ്ങൾ ലഭിച്ചിട്ടുണ്ട്.
അതേസമയം, ബലാത്സംഗ കേസിൽ പ്രതിയായ രാഹുൽ മാങ്കൂട്ടത്തിലിനായുള്ള പൊലീസ് അന്വേഷണം ഊർജിതമായി തുടരുകയാണ്.
രാഹുലിനെ രക്ഷപ്പെടാൻ സഹായിച്ച കൂടുതൽ ആളുകളെ അന്വേഷണസംഘം ചോദ്യം ചെയ്യും. അതിജീവിതയുടെ പരാതിയിൽ കൂടുതൽ ആളുകളിൽനിന്ന് ഇന്ന് മൊഴി രേഖപ്പെടുത്തും.