Kerala
വാതില് തുറന്നിട്ട് ഓടിയ ബസുകള്ക്ക് പൂട്ട്; ഈടാക്കിയത് 12.69 ലക്ഷം
തിരുവനന്തപുരം: ഗതാഗത നിയമം ലംഘിച്ച് വാതിലുകള് അടയ്ക്കാതെ സര്വീസ് നടത്തിയ 4099 ബസുകളില് നിന്നായി 12,69,750 രൂപ പിഴ ഈടാക്കി.
ബസുകളുടെ വാതില് തുറന്നിട്ട് സര്വീസ് നടത്തുന്നത് തടയാനായി ഓഗസ്റ്റ് 20 മുതല് 26 വരെ റോഡ് സുരക്ഷാ മാനേജ്മെന്റ് ഐജിയുടെ നേതൃത്വത്തില് നടത്തിയ സ്പെഷ്യല് ഡ്രൈവിലാണ് വാഹനങ്ങള്ക്ക് പിഴ ഈടാക്കിയത്.
വാതിലുകള് തുറന്നിട്ട് ബസ് ഓടിക്കുന്നത് യാത്രക്കാര് വീഴാനുള്ള സാധ്യത വര്ധിപ്പിക്കുന്നുവെന്നും ഇത് ഒഴിവാക്കാനാണ് വാതില് നിര്ബന്ധമായും അടച്ചിരിക്കണമെന്ന് നിര്ദേശം നല്കിയിരിക്കുന്നത് എന്നാണ് പൊലീസ് അറിയിപ്പ്.