Kerala
കളമശ്ശേരി പോളി ടെക്നിക്കിലെ കഞ്ചാവ് കേസ്; നാല് വിദ്യാര്ത്ഥികളെ കോളേജില് നിന്ന് പുറത്താക്കി
കൊച്ചി: കളമശ്ശേരി പോളിടെക്നിക് ഹോസ്റ്റലിൽ നിന്നും കഞ്ചാവ് പിടിച്ചെടുത്ത കേസില് നാല് വിദ്യാര്ഥികളെ കോളജ് പുറത്താക്കി. ആകാശ്, ആദിത്യന് ,അഭിരാജ്, അനുരാജ് എന്നീ വിദ്യാര്ഥികളെയാണ് പുറത്താക്കിയത്. പുറത്താക്കിയ വിദ്യാര്ഥികള്ക്ക് സ്വഭാവ സര്ട്ടിഫിക്കറ്റ് അനുവദിക്കില്ലെന്നും കോളേജ് അറിയിച്ചു. ആഭ്യന്തര അന്വേഷണ സമിതിയുടെ റിപ്പോര്ട്ടിന്റെ അടിസ്ഥാനത്തിലാണ് തീരുമാനം.
മാര്ച്ച് 14 വെള്ളിയാഴ്ച പുലര്ച്ചെയാണ് കളമശ്ശേരി പോളിടെക്നിക്കിലെ ആണ്കുട്ടികളുടെ ഹോസ്റ്റലിൽ നടത്തിയ പരിശോധനയില് രണ്ടുകിലോയോളം കഞ്ചാവ് പിടികൂടിയത്. വ്യാഴാഴ്ച രാത്രി ഒന്പത് മണിയോടെ ആരംഭിച്ച പരിശോധന വെള്ളിയാഴ്ച പുലര്ച്ചെ വരെ നീളുകയായിരുന്നു. സംഭവത്തില് കെഎസ്യു പ്രവര്ത്തകരായ ആദിത്യനും ആകാശും എസ്എഫ്ഐ പ്രവര്ത്തകനായ അഭിരാജിനെയും പൊലീസ് പിടികൂടിയിരുന്നു.