Kerala
അമ്മയുടെ വിവാഹേതര ബന്ധം ബുദ്ധിമുട്ടിക്കുന്നു; പരാതിയുമായി മക്കള്
കല്പ്പറ്റ: അമ്മയുടെ വിവാഹേതരബന്ധം കാരണം ശാരീരികവും മാനസികവുമായ ബുദ്ധിമുട്ടുകള് അനുഭവിക്കുകയാണെന്ന മക്കളുടെ പരാതിയില് പൊലീസ് അടിയന്തര നടപടികള് സ്വീകരിക്കണമെന്ന് മനുഷ്യാവകാശ കമ്മീഷന്. പരാതിക്കാരായ കുട്ടികള്ക്ക് അമ്മയില് നിന്നോ അമ്മയുടെ സുഹൃത്തില് നിന്നോ ഭാവിയില് ദേഹോപദ്രവമോ ഭീഷണിയോ ഉണ്ടായാല് പൊലീസിനെ സമീപിക്കാമെന്ന് കമ്മീഷന് കുട്ടികളോട് നിര്ദേശിച്ചു.
മീനങ്ങാടി എസ്എച്ച്ഒ അടിയന്തരവും നിയമാനുസൃതവുമായ നടപടികള് സ്വീകരിക്കണമെന്നാണ് മനുഷ്യാവകാശ കമ്മീഷന് നിര്ദേശിച്ചിരിക്കുന്നത്. ഭീഷണി ഉണ്ടായാല് മീനങ്ങാടി പൊലീസ് എസ്എച്ച്ഒയെ സമീപിക്കാമെന്നും കമ്മീഷന് ജുഡീഷ്യല് അംഗമായ കെ ബൈജുനാഥ് പരാതിക്കാരായ കുട്ടികളോട് പറഞ്ഞു.