Kerala
പള്ളിക്കലിൽ പത്താം ക്ലാസുകാരനെ ഏഴംഗ പ്ലസ് ടു വിദ്യാർത്ഥികള് ചേർന്ന് ആക്രമിച്ചു
തിരുവനന്തപുരം: പള്ളിക്കല് ഗവണ്മെന്റ് ഹയർ സെക്കൻഡറി സ്കൂളില് പത്താം ക്ലാസുകാരനെ പ്ലസ് ടു വിദ്യാർത്ഥികള് ആക്രമിച്ചു. കഴുത്തിനും കാലിനുമടക്കം ഗുരുതര പരുക്കേറ്റ വിദ്യാർത്ഥിയെ ആശുപത്രിയില് പ്രവേശിപ്പിച്ചു. കഴിഞ്ഞ ദിവസം ഉച്ചഭക്ഷണത്തിന് ശേഷമുള്ള ഇടവേള സമയത്തായിരുന്നു സംഭവം.
ഭക്ഷണം കഴിച്ചശേഷം ബാത്റൂമിന് സമീപത്തേക്ക് പോയ പത്താംക്ലാസ് വിദ്യാർത്ഥിയെ പിന്തുടർന്നെത്തിയ പ്ലസ് ടു വിദ്യാർത്ഥികള് സംഘംചേർന്ന് മർദ്ദിക്കുകയായിരുന്നു.
പെട്ടെന്നുണ്ടായ ആക്രമണത്തില് വിദ്യാർഥിയുടെ കഴുത്തിനും കാലിനും എല്ലുകള്ക്ക് പൊട്ടലുണ്ട്. മതിലിന്റെ സ്ലാബിലേക്ക് വിദ്യാർഥിയുടെ തല ചേർത്ത് അടിച്ചതായും നിലത്ത് വലിച്ചിട്ട് ചവിട്ടിയതോടെ നടുവിനും പരിക്കുണ്ടായതായും വിദ്യാർത്ഥി പറഞ്ഞു.