Kerala
പെരിയ ഇരട്ടക്കൊലക്കേസ്; നാല് പ്രതികളുടെ പരോള് താല്ക്കാലികമായി തടഞ്ഞു
കാസര്കോട്: പെരിയ ഇരട്ടക്കൊലക്കേസിലെ നാല് പ്രതികളുടെ പരോള് താല്ക്കാലികമായി തടഞ്ഞു. പ്രതികള്ക്ക് കൂട്ടത്തോടെ പരോള് അനുവദിച്ചത് വിവാദമായതിന് പിന്നാലെയാണ് നടപടി. ചട്ടങ്ങള് ലംഘിച്ചാണ് പ്രതികള്ക്ക് കൂട്ടപ്പരോള് നല്കിയത് എന്ന പരാതി ഉയര്ന്ന സാഹചര്യത്തിലാണ് തീരുമാനം.
കേസിലെ ആറ് പ്രതികള് പുറത്തിറങ്ങിയതിന് പിന്നാലെയാണ് കൂട്ടപ്പരോള് വിവാദമായത്. അഞ്ച് പ്രതികള് മെയ് 18-നും ഒരു പ്രതി മേയ് 20-നുമാണ് ജയിലില് നിന്ന് പുറത്തിറങ്ങിയത്.
ചട്ടങ്ങള് ലംഘിച്ച് എല്ലാ പ്രതികള്ക്കും ഒരുമിച്ച് പരോള് നല്കി എന്നായിരുന്നു പരാതി. പിന്നാലെ ആഭ്യന്തരമന്ത്രി രമേശ് ചെന്നിത്തല അടിയന്തര റിപ്പോര്ട്ട് ആവശ്യപ്പെട്ടിരുന്നു.