Kerala
മുണ്ടത്തിക്കോട് ദുരന്തം: തിരുനാളിന് വെടിക്കെട്ട് വേണ്ടെന്നുവെച്ച് പാവറട്ടി പള്ളി
തൃശൂര്: പാവറട്ടി പള്ളി തിരുനാളിന് വെടിക്കെട്ട് വേണ്ടെന്നു വെച്ചു. മുണ്ടത്തിക്കോട് വെടിക്കെട്ട് ദുരന്തത്തിന്റെ പശ്ചാത്തലത്തില് വെടിക്കെട്ടില്ലാതെ പെരുന്നാള് നടത്താനാണ് തീരുമാനം.
വെടിക്കെട്ട് നടത്താന് ഹൈക്കോടതി അനുമതി നല്കിയിരുന്നു. മുണ്ടത്തിക്കോട് മരിച്ചവരുടെ കുടുംബാംഗങ്ങളുടെ ദുഃഖത്തില് പങ്കുചേര്ന്നു കൊണ്ടാണ് വെടിക്കെട്ട് ഒഴിവാക്കിയത് എന്ന് പള്ളി വികാരി അറിയിച്ചു.
എന്നാല് തിരുനാള് ആഘോഷങ്ങള് ആചാരപരമായി നടക്കും. വെള്ളി, ശനി, ഞായര് ദിവസങ്ങളിലാണ് പെരുന്നാള് നടക്കുക. ശനിയാഴ്ച രാവിലെ തുടങ്ങിയ കുര്ബാനയ്ക്ക് ശേഷം നേര്ച്ചയൂട്ട് നടത്തും.