Kerala
മില്മ പാല് വില ലിറ്ററിന് നാല് രൂപ കൂട്ടി; ജൂണ് ഒന്ന് മുതല് പ്രാബല്യത്തില്
തിരുവനന്തപുരം: മില്മ പാല് വില ലിറ്ററിന് നാല് രൂപ വര്ധിപ്പിച്ചു. ഇതോടെ ലിറ്ററിന് 56 രൂപയാകും. ജൂണ് ഒന്ന് മുതല് പുതുക്കിയ വില പ്രാബല്യത്തില് വരും. മില്മ ബോര്ഡ് ഓഫ് ഡയറക്ടേഴ്സ് യോഗത്തിലാണ് തീരുമാനം.
കഴിഞ്ഞ ഏപ്രിലില് ചേര്ന്ന യോഗത്തില് നിയമസഭാ തെരഞ്ഞെടുപ്പ് ഫലപ്രഖ്യാപനത്തിന് ശേഷം വില വര്ധിപ്പിക്കാന് തീരുമാനിച്ചിരുന്നു. പുതുക്കിയ വര്ധനപ്രകാരമുള്ള തുകയില് 83.75 ശതമാനം വിഹിതവും ക്ഷീര കര്ഷകര്ക്ക് ലഭിക്കും. 6.25 ശതമാനം വീതം സൊസൈറ്റികള്ക്കും ഡീലര്മാര്ക്കും നല്കും.
2.5 ശതമാനം മില്മയ്ക്കും 0.75ശതമാനം ക്ഷേമനിധിയിലേക്കും മാറ്റിവയ്ക്കും. 0.5 ശതമാനം പ്ലാസ്റ്റിക് നീക്കം ചെയ്യല് പ്രക്രിയകള്ക്കും നല്കാനാണ് തീരുമാനം.