Kerala
പകര്ന്നു നല്കേണ്ടത് അജ്ഞതയല്ല, അറിവാണ്; അധ്യാപകരുടെ കാല് കഴുകിച്ച സംഭവത്തില് ഡിവൈഎഫ്ഐ
ആലപ്പുഴ: മാവേലിക്കര വിദ്യാധിരാജ വിദ്യാപീഠം സെന്ട്രല് സ്കൂളില് വിദ്യാര്ത്ഥികളെക്കൊണ്ട് അധ്യാപകരുടെ കാല് കഴുകിച്ച സംഭവത്തില് രൂക്ഷ വിമര്ശനവുമായി ഡിവൈഎഫ്ഐ ആലപ്പുഴ ജില്ലാ സെക്രട്ടറി ജെയിംസ് സാമുവല്.
സംഘപരിവാര് നാടിനെ എങ്ങോട്ട് നയിക്കാന് ശ്രമിക്കുന്നുവെന്നതിന്റെ തെളിവാണ് ഈ പ്രവര്ത്തിയെന്ന് ജെയിംസ് സാമുവല് ഫേസ്ബുക്കില് കുറിച്ചു.
വിദ്യാര്ത്ഥികള്ക്ക് പകര്ന്നുനല്കേണ്ടത് അജ്ഞതയല്ല, അറിവാണെന്നും സംസ്ഥാന സര്ക്കാര് വിഷയത്തില് ഇടപെട്ട് ശക്തമായ നടപടി സ്വീകരിക്കണമെന്നും ജെയിംസ് സാമുവല് പ്രതികരിച്ചു.