Kerala
റോഡരികിൽ നിർത്തിയിട്ടിരുന്ന ലോറി കത്തിനശിച്ചു
പാലക്കാട്: ഒറ്റപ്പാലത്ത് ലോറി കത്തിനശിച്ചു. ഈസ്റ്റ് ഒറ്റപ്പാലം പാലത്തിന് സമീപം നിർത്തിയിട്ടിരുന്ന ലോറി ആണ് ഇന്ന് പുലർച്ചെ അഞ്ച് മണിയോടെ കത്തി നശിച്ചത്.
ഡ്രൈവർ വിശ്രമത്തിനായി നിർത്തിയിട്ട സമയത്ത് മുൻപിലെ കാബിനിൽ നിന്ന് തീ പടരുകയായിരുന്നു. പുക കണ്ട ഉടനെ ഡ്രൈവർ ലോറിയിൽ നിന്നും ചാടിയിറങ്ങി രക്ഷപ്പെട്ടു. ലോറി പൂർണ്ണമായും കത്തി നശിച്ചു. എന്താണ് തീപിടിത്തത്തിന് കാരണമെന്ന് വ്യക്തമല്ല.