Kerala
എല്ഡിഎഫ് ജാഥ; എം വി ഗോവിന്ദനും ബിനോയ് വിശ്വവും ജോസ് കെ മാണിയും മേഖല ക്യാപ്റ്റന്മാര്
കോട്ടയം: നിയമസഭാ തെരഞ്ഞെടുപ്പ് മുന്നില് കണ്ടും തദ്ദേശ തെരഞ്ഞെടുപ്പ് തിരിച്ചടി മറിക്കടക്കാനും മേഖലാ ജാഥ നടത്താനൊരുങ്ങി എല്ഡിഎഫ്. തെക്ക്, മധ്യകേരളം, വടക്ക് എന്നിങ്ങനെ മൂന്ന് ജാഥകള് നടത്താനാണ് തീരുമാനം. സിപിഐഎമ്മും സിപിഐയും കേരള കോണ്ഗ്രസ് എമ്മും ജാഥ നയിക്കും.
വടക്കന് മേഖല ജാഥ സിപിഐഎം സംസ്ഥാന സെക്രട്ടറി എം വി ഗോവിന്ദനും മധ്യമേഖല ജാഥ കേരള കോണ്ഗ്രസ് എം ചെയര്മാന് ജോസ് കെ മാണിയും തെക്കന് മേഖല ജാഥ സിപിഐ സംസ്ഥാന സെക്രട്ടറി ബിനോയ് വിശ്വവും നയിക്കും. വൈസ് ക്യാപ്റ്റന്മാരേയും മാനേജര്മാരേയും ജാഥ അംഗങ്ങളേയും അടുത്തയാഴ്ച ചേരുന്ന എല്ഡിഎഫ് സംസ്ഥാന നേതൃത്വം തീരുമാനിക്കും.