Kerala
കുംഭമേള വൈറല് താരത്തിനും ഭര്ത്താവിനും ആശ്വാസം; അറസ്റ്റ് തടഞ്ഞ് ഹൈക്കോടതി
കൊച്ചി: കുംഭമേള വൈറല് പെണ്കുട്ടിയുടെ ഭര്ത്താവ് മുഹമ്മദ് ഫര്മാന് ഖാന്റെ അറസ്റ്റ് തടഞ്ഞ് ഹൈക്കോടതി. ഒരു മാസത്തേക്കാണ് അറസ്റ്റ് തടഞ്ഞത്.
മധ്യപ്രദേശ് പൊലീസ് രജിസ്റ്റര് ചെയ്ത കേസില് ജസ്റ്റിസ് കൗസര് എടപ്പഗത്തിന്റേതാണ് നടപടി. തുടര് നടപടികള്ക്കായി ഫര്മാന് മധ്യപ്രദേശ് കോടതിയെ സമീപിക്കാമെന്നും ഹൈക്കോടതി അറിയിച്ചു. പെണ്കുട്ടിയും ഫര്മാനും സമര്പ്പിച്ച മുന്കൂര് ജാമ്യാപേക്ഷയില് ഹൈക്കോടതി വിധി പറയാന് ഇന്നത്തേക്ക് മാറ്റിയിരുന്നു.
പ്രായപൂര്ത്തിയാകാത്ത പെണ്കുട്ടിയെ തട്ടിക്കൊണ്ടുപോയെന്ന പരാതിയിലാണ് ഭര്ത്താവിനെതിരെ പട്ടികജാതി -വര്ഗ പീഡന നിരോധനം, പോക്സോ നിയമപ്രകാരം മധ്യപ്രദേശ് പൊലീസ് കേസെടുത്തത്.