Kerala
കെ എം മാണി അനുസ്മരണ വേദിയില് ഉദ്ഘാടകനായി കെ മുരളീധരന്
തിരുവനന്തപുരം: കെ എം മാണി അനുസ്മരണ വേദിയില് ഉദ്ഘാടനകനായെത്തി കെ മുരളീധരന് എംഎല്എ. കേരള കോണ്ഗ്രസ് എം പട്ടം മണ്ഡലം കമ്മിറ്റി സംഘടിപ്പിച്ച കെ എം മാണിയുടെ 93ാം ജന്മദിനാഘോഷ പരിപാടിയിലാണ് കെ മുരളീധരന് ഉദ്ഘാടകനായെത്തിയത്. കേരള കോണ്ഗ്രസ് സംസ്ഥാന സെക്രട്ടറി ആനന്ദകുമാര്, കര്ഷക യൂണിയന് നേതാവ് എ എച്ച് ഹഫീസ് എന്നിവര് മുരളീധരനൊപ്പം വേദിയിലുണ്ടായിരുന്നു.
യുഡിഎഫ് സര്ക്കാരിന്റെ കാലത്തെ എല്ലാ നേട്ടങ്ങളുടെയും ഒരു പങ്ക് കെ എം മാണിക്ക് ഉള്ളതാണെന്ന് കെ മുരളീധരന് തന്റെ ഉദ്ഘാടന പ്രസംഗത്തില് പറഞ്ഞു. കാരുണ്യ പദ്ധതി നടപ്പിലാക്കിയത് കെ എം മാണി ആയിരുന്നു. റബ്ബര് കര്ഷകരുടെ വിഷയം വന്നാല് കെ എം മാണിക്ക് ആയിരം നാവായിരുന്നു. കെ എം മാണിയുടെ അസാന്നിദ്ധ്യം വലിയ നഷ്ടമാണ്. കെ എം മാണിയെ യുഡിഎഫിന്റെ മുഖമായി ഇപ്പോഴും കാണുന്നുവെന്നും കെ മുരളീധരന് പറഞ്ഞു.