India
അഴിമതി കേസില് കണ്ടുകെട്ടിയ ജയലളിതയുടെ സ്വത്തുകള് ഇനി തമിഴ്നാടിന്
ചെന്നൈ: അനധികൃത സ്വത്തുസമ്പാദന കേസുമായി ബന്ധപ്പെട്ട് കണ്ടുകെട്ടിയ തമിഴ്നാട് മുന് മുഖ്യമന്ത്രി ജെ ജയലളിതയുടെ കോടികള് വിലമതിക്കുന്ന സ്വത്തുക്കള് തമിഴ്നാട് സര്ക്കാരിന് കര്ണാടക കൈമാറി.
കര്ണാടക വിധാന് സഭ ലോക്കറില് സൂക്ഷിച്ചിരുന്ന 27 കിലോ 558 ഗ്രാം സ്വര്ണാഭരണങ്ങള്, 1116 കിലോ വെള്ളി. 1526 ഏക്കര് വരുന്ന ഭൂമിയുടെ രേഖകള് എന്നിവയാണ് കൈമാറിയത്.
കോടതി ഉദ്യോഗസ്ഥര്, സംസ്ഥാന സര്ക്കാരുകളിലെ ഉന്നത ഉദ്യോഗസ്ഥര് എന്നിവരുടെ സാന്നിധ്യത്തിലായിരുന്നു കൈമാറ്റം.