Kerala
സര്ക്കാര് ജീവനക്കാരുടെ ക്ഷാമബത്ത വര്ധിപ്പിച്ചു; പെന്ഷന്കാരുടെ ക്ഷാമാശ്വാസവും കൂട്ടി
സംസ്ഥാന സര്ക്കാര് ജീവനക്കാരുടെ ക്ഷാമബത്ത വര്ധിപ്പിച്ചു. മൂന്ന് ശതമാനമാണ് വര്ധിപ്പിച്ചത്.
ഇതോടെ ക്ഷാമബത്ത 12 ല് നിന്ന് 15 ശതമാനമായി. പെന്ഷന്കാരുടെ ക്ഷാമാശ്വാസവും 12ല് നിന്ന് 15 ശതമാനമാക്കി വര്ധിപ്പിച്ചിട്ടുണ്ട്. ധനവകുപ്പ് ഇതുസംബന്ധിച്ച ഉത്തരവ് ഇറക്കി.
ഏപ്രില് മുതല് വര്ധന നടപ്പാകും. സര്ക്കാര് ജീവനക്കാര്, അധ്യാപകര്, എയ്ഡഡ് സ്കൂള്, കോളേജ്, പോളിടെക്നിക് ജീവനക്കാര്, തദ്ദേശസ്ഥാപന ജീവനക്കാര്, മുഴുവന് സമയ കണ്ടിജന്റ് ജീവനക്കാര് എന്നിവരുടെ ക്ഷാമബത്തയും സംസ്ഥാന സര്വീസ് പെന്ഷന് വാങ്ങുന്നവര്, കുടുംബ പെന്ഷന്കാര്, എക്സ്ഗ്രേഷ്യ പെന്ഷന്കാര്, എക്സ്ഗ്രേഷ്യ കുടുംബ പെന്ഷന്കാര് എന്നിവര്ക്ക് ക്ഷാമാശ്വാസവുമാണ് വര്ധിക്കുക.