Kerala
ജർമനിയിൽ ഇന്ത്യൻ വിദ്യാർത്ഥി തീപിടിത്തത്തിൽ മരിച്ചു
ബെർലിൻ: ജർമനിയിൽ പുതുവത്സരാഘോഷത്തിനിടെ തീപിടിത്തത്തിൽ ഇന്ത്യൻ വിദ്യാർത്ഥി മരിച്ചു. ജർമനിയിൽ തീപിടിത്തത്തിൽ നിന്ന് രക്ഷപ്പെടാൻ ശ്രമിക്കുന്നതിനിടെയാണ് തെലങ്കാന സ്വദേശിയായ ഹൃതിക് റെഡ്ഡി (25) മരണപ്പെട്ടത്. സംക്രാന്തി ഉത്സവത്തിനായി ഹൃതിക് റെഡ്ഡി ഇന്ത്യയിലേക്ക് വരാനിരിക്കവേയാണ് ദാരുണ സംഭവം ഉണ്ടായത്.
തീ ആളിപ്പടരുന്നതുകണ്ട് പരിഭ്രാന്തനായ ഹൃതിക് അപ്പാർട്ട്മെന്റിന്റെ മുകളിലത്തെ നിലയിൽ നിന്ന് ചാടുകയായിരുന്നു. ഏറെ പ്രതീക്ഷയോടെ കാത്തിരുന്ന വീട്ടുകാരുടെ മുൻപിലേക്ക് ഹൃതിക് ഇനി എത്തുക ജീവനറ്റാണ്. പുതുവത്സര ദിനത്തിലാണ് അപകടം സംഭവിച്ചത്.