Kerala
ഖത്തർ വ്യോമപാത അടച്ച സംഭവം, കേരളത്തില് നിന്ന് ഗള്ഫ് രാജ്യങ്ങളിലേക്കുള്ള വിമാനങ്ങള് റദ്ദാക്കി അധികൃതർ
കൊച്ചി: ഖത്തർ വ്യോമപാത അടച്ചതിനെ തുടർന്ന് കേരളത്തില് നിന്ന് ഗള്ഫ് രാജ്യങ്ങളിലേക്കുള്ള വിമാനങ്ങള് റദ്ദാക്കി അധികൃതർ. കൊച്ചിയില് നിന്നും ദോഹയിലേക്ക് 6.53 ന് പുറപ്പെട്ട എയർ ഇന്ത്യ എക്സ്പ്രസ്സ് വിമാനം വഴിതിരിച്ചു വിട്ടു.
ഈ വിമാനം മസ്കറ്റില് ലാൻ്റിംഗ് നടത്തി. ദോഹയിലേക്ക് രാത്രി 12.50ന് പുറപ്പെടേണ്ട വിമാനവും 10.10ന് പുറപ്പെടേണ്ട റിയാദ് വിമാനവും റദ്ദാക്കി. പുലർച്ചെ 2.53ന് കൊച്ചിയില് എത്തേണ്ട ഖത്തർ എയർവേസ് വിമാനം എത്താൻ വൈകുമെന്നും വിവരം ലഭിച്ചു.
കൊച്ചിയില് നിന്ന് അബുദാബിയിലേക്ക് 10.15ന് പോയ വിമാനം 45 മിനിറ്റിന് ശേഷം തിരിച്ചു വിളിച്ചു. തിരുവനന്തപുരം- ബഹറിൻ ഗള്ഫ് എയർ വിമാനം തിരിച്ചു വിളിച്ചു. രാത്രി 10 മണിക്ക് പുറപ്പെട്ട വിമാനമാണ് തിരുവനന്തപുരം വിമാനത്താവളത്തിലേക്ക് തിരിച്ചു വിളിച്ചത്. ദമാമിലേക്കും ദുബായിലേക്ക് ഉള്ള എയർ ഇന്ത്യ എക്സ്പ്രസ് വൈകും.