Kerala
വീടിന് പുറത്ത് ഉറങ്ങിക്കിടന്നയാളെ കാട്ടാന ചവിട്ടിക്കൊന്നു
പാലക്കാട്: കാട്ടാനയുടെ ആക്രമണത്തില് സംസ്ഥാനത്ത് ഒരാള് കൊല്ലപ്പെട്ടു. പാലക്കാട് മലമ്പുഴ അകമലവാരം ആദിവാസി ഉന്നതിയിലാണ് സംഭവം. വീടിന് പുറത്തെ മരച്ചുവട്ടില് കിടന്നുറങ്ങുകയായിരുന്ന ചന്ദ്രന് (45) ആണ് മരിച്ചത്.
പുലര്ച്ചെ 3.30 ഓടെയായിരുന്നു കാട്ടാനയുടെ ആക്രമണം ഉണ്ടായത്. കൂടെയുണ്ടായിരുന്ന രണ്ടുപേര് ഓടിരക്ഷപ്പെട്ടു.
കനത്ത ചൂടിനെ തുടര്ന്ന് വീടിന് പുറത്തെ പുളിമരച്ചുവട്ടില് കിടന്നുറങ്ങുകയായിരുന്നു ചന്ദ്രന് അടക്കമുള്ളവര്. ഇതിനിടെയാണ് കാട്ടാനയുടെ ആക്രമണം ഉണ്ടാകുന്നത്.