Kerala
തെരഞ്ഞെടുപ്പ് കമ്മീഷനെതിരെ അണുബോംബ് കയ്യിലുണ്ട്: പൊട്ടിച്ചാല് കമ്മീഷൻ ബാക്കിയുണ്ടാകില്ലെന്ന് രാഹുല് ഗാന്ധി
ന്യൂഡല്ഹി: തെരഞ്ഞെടുപ്പ് കമ്മീഷനെതിരെ ആഞ്ഞടിച്ച് ലോക്സഭാ പ്രതിപക്ഷ നേതാവ് രാഹുല് ഗാന്ധി. തെരഞ്ഞെടുപ്പ് കമ്മീഷനെതിരെ തന്റെ കയ്യില് അണുബോംബുണ്ടെന്ന് രാഹുല് ഗാന്ധി പറഞ്ഞു.
തെരഞ്ഞെടുപ്പ് കമ്മീഷന് ബിജെപിക്ക് വേണ്ടി വോട്ട് മോഷ്ടിക്കുകയാണെന്നും വ്യക്തമായ തെളിവുകളുടെ അടിസ്ഥാനത്തിലാണ് താനത് പറയുന്നതെന്നും താന് ഈ അണുബോംബ് പൊട്ടിച്ചാല് തെരഞ്ഞെടുപ്പ് കമ്മീഷന് ബാക്കിയുണ്ടാകില്ലെന്നും രാഹുല് ഗാന്ധി പറഞ്ഞു.
‘തെരഞ്ഞെടുപ്പ് കമ്മീഷന് വോട്ട് മോഷ്ടിക്കുകയാണ്. ആര്ക്കുവേണ്ടിയാണ് മോഷ്ടിക്കുന്നത്? ബിജെപിക്കുവേണ്ടിയാണ്. മധ്യപ്രദേശ് നിയമസഭാ തെരഞ്ഞെടുപ്പിലും ലോക്സഭാ തെരഞ്ഞെടുപ്പുകളിലും ഞങ്ങള്ക്ക് സംശയമുണ്ടായിരുന്നു. മഹാരാഷ്ട്രയിലെ തെരഞ്ഞെടുപ്പോടു കൂടി സംശയം വര്ധിച്ചു. തെളിവ് ലഭിച്ചു.
മഹാരാഷ്ട്രയില് ലോക്സഭാ തെരഞ്ഞെടുപ്പിനുശേഷം ഒരുകോടി വോട്ടര്മാര് കൂടി. ഞങ്ങളുടെ കൈവശം അണുബോംബുണ്ട്. അത് പൊട്ടിച്ചാല് പിന്നെ ഇന്ത്യയില് നിങ്ങള്ക്ക് തെരഞ്ഞെടുപ്പ് കമ്മീഷനെ കാണാന് തന്നെ കഴിയില്ല.’-രാഹുല് ഗാന്ധി മാധ്യമങ്ങളോട് പറഞ്ഞു.