India
അനിൽ അംബാനിക്ക് വീണ്ടും സമൻസ് അയച്ച് ഇ ഡി
ചോദ്യം ചെയ്യലിന് ഹാജരാകാതിരുന്ന റിലയൻസ് ഗ്രൂപ്പ് ചെയർമാൻ അനിൽ അംബാനിക്ക് വീണ്ടും സമൻസ് അയച്ച് ഇ ഡി. ഈ ആഴ്ച അനിൽ അംബാനി ഹാജരാകാതിരുന്നതിനെ തുടർന്നാണ് ഫെബ്രുവരി 26 ന് വീണ്ടും ചോദ്യം ചെയ്യലിന് ഹാജരാകണം എന്നാവശ്യപ്പെട്ട് എൻഫോഴ്സ്മെന്റ് ഡയറക്ടറേറ്റ് സമൻസ് അയച്ചത്.
അനിൽ അംബാനിയുടെ പങ്കാളി ടീന അംബാനിയും ചോദ്യം ചെയ്യലിന് ഹാജരായിരുന്നില്ല. കള്ളപ്പണം വെളുപ്പിക്കൽ നിരോധന നിയമപ്രകാരമാണ് (പിഎംഎൽഎ) ഇരുവരെയും ഇഡി ചോദ്യം ചെയ്യലിനായി വിളിപ്പിച്ചത്. വെവ്വേറെ മൊഴി രേഖപ്പെടുത്താൻ രണ്ടുപേർക്കും പ്രത്യേകം സമൻസ് അയച്ചിരുന്നു.