Kerala
കഞ്ചാവും ഹാഷിഷ് ഓയിലുമായി യുവാവ് പിടിയിൽ
തിരുവനന്തപുരം: തിരുവനന്തപുരത്ത് വീട്ടിലെ ഷെഡ്ഡിനുള്ളിൽ വിൽപ്പനയ്ക്കായി സൂക്ഷിച്ചിരുന്ന കഞ്ചാവും ഹാഷിഷ് ഓയിലുമായി യുവാവിനെ എക്സൈസ് സംഘം പിടികൂടി. പൂന്തുറ സ്റ്റേഷൻ പരിധിയിൽ പരുത്തിക്കുഴി മുസ്ലിം ജമാഅത്ത് പള്ളിക്കു പിന്നിൽ താമസിക്കുന്ന മുഹമ്മദ് അനസ്(27) ആണ് സംഭവത്തിൽ അറസ്റ്റിലായത്.
ഇയാളുടെ വീടിനുമുകളിലെ താത്കാലിക ഷെഡ്ഡിൽനിന്നുമാണ് കുപ്പിയിൽ സൂക്ഷിച്ച 650 ഗ്രാം ഹാഷിഷ് ഓയിലും 1.2 കിലോ ഗ്രാം കഞ്ചാവും പിടികൂടിയത്. ഓപ്പറേഷൻ ക്ലീൻ സ്ലേറ്റ് സ്പെഷ്യൽ ഡ്രൈവിന്റെ ഭാഗമായി നടത്തിയ പരിശോധനയിലാണ് അനസ് കുടുങ്ങിയത്. വീട്ടിലെ ഷെഡ്ഡിൽ നിന്നും ഇലക്ട്രോണിക് ത്രാസുകളും അനുബന്ധ ഉപകരണങ്ങളും പിടിച്ചെടുത്തിട്ടുണ്ട്