Kerala
കളമശ്ശേരിയിൽ കഞ്ചാവുമായി യുവാക്കൾ പിടിയിൽ
കൊച്ചി: കളമശ്ശേരിയിൽ നിന്ന് കഞ്ചാവ് പിടിച്ചെടുത്തു. 6 കിലോയോളം കഞ്ചാവ് ആണ് പിടിച്ചെടുത്തത്. മണ്ണാർക്കാട് സ്വദേശികൾ ആയ രണ്ടു യുവക്കൾ കസ്റ്റഡിയിൽ.
ബെംഗളൂരുവിൽ നിന്നും വരികയായിരുന്ന ബസിൽ നിന്നാണ് കഞ്ചാവ് പിടിച്ചെടുത്തത്. എച്ച്.എം.ടി പ്രീമിയർ ജംഗഷന് സമീപത്ത് വച്ചാണ് എക്സൈസ് പ്രതികളെ പിടികൂടിയത്. മണ്ണാർക്കാട് സ്വദേശികളായ റിസ്വാൻ, റിയാസ് എന്നിവരെ ആണ് എക്സൈസ് കസ്റ്റഡിയിൽ എടുത്തത്.
ബെംഗളൂരു- എറണാകുളം റൂട്ടിൽ സർവ്വീസ് നടത്തുന്ന സ്വകാര്യ ടൂറിസ്റ്റ് ബസിൽ നിന്നാണ് കഞ്ചാവ് പിടികൂടിയത്. ബെംഗളൂരുവിൽ നിന്നാണ് യുവാക്കൾ സ്വകാര്യ വാഹനത്തിൽ കയറിയത്. മൂന്ന് കവറുകളിലായി ബാഗിൽ സൂക്ഷിച്ചിരുന്ന കഞ്ചാവാണ് എക്സൈസ് സംഘം പിടിച്ചെടുത്തത്. രഹസ്യവിവരത്തെ തുടർന്നായിരുന്നു എക്സൈസിന്റെ നീക്കം.