Kerala
പുതുവൈപ്പിനില് ബോട്ട് മറിഞ്ഞു; മത്സ്യത്തൊഴിലാളി മരിച്ചു
കൊച്ചി: പുതുവൈപ്പിനില് മത്സ്യബന്ധന ബോട്ട് മറിഞ്ഞ് ഒരാള് മരിച്ചു. നീര്ക്കുന്നം സ്വദേശി രഞ്ജനാണ് മരിച്ചത്. അപകടത്തില്പ്പെട്ട അഞ്ച് മത്സ്യത്തൊഴിലാളികളെ രക്ഷപ്പെടുത്തി. ശനിയാഴ്ച പുലര്ച്ചെ അഞ്ച് മണിയോടെയാണ് ‘സെന്റ് സേവ്യര്’ എന്ന ബോട്ട് അപകടത്തില്പ്പെട്ടതെന്ന് തീരദേശ പൊലീസ് അറിയിച്ചു.
അപകടം നടന്ന ഉടന് തന്നെ രക്ഷാപ്രവര്ത്തനം ആരംഭിക്കുകയും ബോട്ടിലുണ്ടായിരുന്ന ആറ് പേരെയും കരയ്ക്കെത്തിക്കുകയും ചെയ്തു. ആശുപത്രിയിലെത്തിച്ചെങ്കിലും രഞ്ജന്റെ ജീവന് രക്ഷിക്കാനായില്ല.