Kerala
ചികിത്സയ്ക്കിടെ 24 കാരിയോട് ലൈംഗികാതിക്രമം, മുൻ ഡിഎംഒ അറസ്റ്റിൽ
ലൈംഗികാതിക്രമക്കേസിൽ മുൻ ഡിഎംഒ അറസ്റ്റിൽ. കോട്ടയം മുൻ ജില്ലാ മെഡിക്കൽ ഓഫീസറായിരുന്ന പാല സ്വദേശി രാഘവനാണ് അറസ്റ്റിലായത്. രാഘവന്റെ ക്ലിനിക്കിൽ ചികിത്സക്കെത്തിയ പെൺകുട്ടിയെ ലൈംഗികമായി ഉപദ്രവിച്ചെന്നാണ് പരാതി.
പാലയിലെ ക്ലിനിക്കിൽ തിങ്കളാഴ്ചയാണ് സംഭവം. 24 കാരിയെയാണ് മുൻ ഡിഎംഒ ഉപദ്രവിക്കാൻ ശ്രമിച്ചത്.
ചില അസുഖങ്ങളെ തുടർന്നാണ് യുവതി ചികിത്സ തേടിയത്. ചികിത്സയ്ക്കിടെ ലൈംഗികമായി ഉപദ്രവിച്ചു എന്നാണ് പരാതിയിൽ പറയുന്നത്. യുവതിയുടെ മൊഴി രേഖപ്പെടുത്തി ശേഷമാണ് അറസ്റ്റിലേക്ക് കടന്നത്.