Kerala
ദീപക്കിന്റെ ആത്മഹത്യ; സ്വതന്ത്ര അന്വേഷണം ആവശ്യപ്പെട്ട് മെന്സ് അസോസിയേഷന്
കൊച്ചി: ബസിനുള്ളില് വെച്ച് ലൈംഗികാതിക്രമം നേരിട്ടെന്ന ആരോപണത്തിന് പിന്നാലെ കോഴിക്കോട് സ്വദേശി ദീപക്ക് ആത്മഹത്യ ചെയ്ത സംഭവത്തിൽ സ്വതന്ത്ര അന്വേഷണം ആവശ്യപ്പെട്ട് മെന്സ് അസോസിയേഷന് ഹൈക്കോടതിയെ സമീപിച്ചു. കേസ് ക്രൈംബ്രാഞ്ചോ സിബിഐയോ അന്വേഷിക്കണം എന്നാണ് ആവശ്യം. അപകീര്ത്തികരമായ വീഡിയോ സമൂഹ്യമാധ്യമങ്ങളിലൂടെ പ്രചരിപ്പിച്ചതിന് കേസെടുക്കണമെന്നും മെൻഡ് അസോസിയേഷൻ ആവശ്യപ്പെട്ടു.
പ്രതിയായ യുവതി വിദേശത്തേക്ക് കടന്നുവെന്ന് സംശയമുണ്ട്. യുവതിക്കെതിരെ ലുക്ക് ഔട്ട് നോട്ടീസ് പുറപ്പെടുവിക്കാന് നിര്ദേശം നല്കണമെന്നും മെന്സ് അസോസിയേഷന് ആവശ്യപ്പെട്ടു. മൊബൈല് ഫോണ് ഉള്പ്പടെയുള്ള ഡിജിറ്റല് തെളിവുകള് സംരക്ഷിക്കണം. പ്രതിയായ യുവതിയെ പൊലീസ് സംരക്ഷിക്കാന് ശ്രമിക്കുന്നുവെന്നും അസോസിയേഷന് ആരോപിച്ചു.