India
ഒമാന് തീരത്ത് കപ്പലിന് നേരെ ഡ്രോണ് ആക്രമണം; ഇന്ത്യക്കാരന് കൊല്ലപ്പെട്ടു
മസ്കത്ത്: പശ്ചിമേഷ്യയില് സംഘര്ഷം തുടരുന്നതിനിടെ, ഒമാനില് ഒമാന് തീരത്ത് ഡ്രോണ് ആക്രമണത്തില് ഇന്ത്യക്കാരന് കൊല്ലപ്പെട്ടു. മസ്കത്തില് കപ്പലിന് നേരെ ഉണ്ടായ ആക്രമണത്തിലാണ് ഇന്ത്യക്കാരന് മരിച്ചത്.
ആളില്ലാ ഡ്രോണ് ബോട്ട് എണ്ണ ടാങ്കറില് ഇടിച്ചതിനെ തുടര്ന്നാണ് സംഭവം. ഇടിയുടെ ആഘാതത്തില് എണ്ണ ടാങ്കറിന് തീപിടിക്കുകയായിരുന്നു. എണ്ണ ടാങ്കറില് 16 ഇന്ത്യക്കാരും നാലു ബംഗ്ലാദേശികളും ഒരു യുക്രൈന് പൗരനുമാണ് ഉണ്ടായിരുന്നത്. ശേഷിക്കുന്നവരെ ടാങ്കറില് നിന്ന് ഒഴിപ്പിച്ചതായി അധികൃതര് അറിയിച്ചു. ഇസ്രയേലും അമേരിക്കയും സംയുക്തമായി ഇറാന് നേരെ നടത്തുന്ന സൈനിക നീക്കത്തിനിടെയാണ് സംഭവം