Kerala
അച്ഛനെ വീട്ടുമുറ്റത്ത് മരിച്ച നിലയില് കണ്ടെത്തി; അസ്വാഭാവികതയെന്ന് സംശയം, മകന് കസ്റ്റഡിയില്
പാലക്കാട്: കൊഴിഞ്ഞാമ്പാറയില് അന്പത്തിയെട്ടുകാരനെ മരിച്ച നിലയില് കണ്ടെത്തി. നല്ലേപ്പിള്ളി, വാളറ തോട്ടത്തുകളം സി രാമന്കുട്ടി(58) ആണ് മരിച്ചത്. സംഭവത്തില് രാമന്കുട്ടിയുടെ മകന് ആദര്ശിനെ(26) പൊലീസ് കസ്റ്റഡിയിലെടുത്തു.
ബുധനാഴ്ച്ച രാത്രി 10 മണിയോടെയാണ് ആദർശ് രാമന്കുട്ടി മുറ്റത്ത് വീണുകിടക്കുന്ന വിവരം സമീപവാസികളെ അറിയിച്ചത്. ഇവരുടെ സഹായത്തോടെ രാമന്കുട്ടിയെ അകത്ത് കട്ടിലില് കിടത്തി. പിന്നീട് അച്ഛന് മരിച്ചു എന്ന വിവരം ആദര്ശ് ബന്ധുക്കളെയടക്കം വിളിച്ചറിയിക്കുകയായിരുന്നു.
വീട്ടിലെത്തി മൃതദേഹം കണ്ട ആളുകള്ക്ക് രാമന്കുട്ടിയുടെ മരണത്തില് സംശയം തോന്നിയതോടെ കൊഴിഞ്ഞാമ്പാറ പൊലീസില് വിവരമറിയിക്കുകയായിരുന്നു.