Crime
പഞ്ചാബില് ആര്എസ്എസ് നേതാവിന്റെ മകനെ വെടിവെച്ച് കൊന്നു
ഛണ്ഡീഗഢ്: പഞ്ചാബിലെ ഫിറോസ്പൂരില് മുതിര്ന്ന ആര്എസ്എസ് നേതാവ് ബല്ദേവ് രാജ് അറോറയുടെ മകന് നവീന് അറോറയെ വെടിവെച്ച് കൊന്നു.
ബൈക്കിലെത്തിയ രണ്ടുപേരാണ് കൊലപ്പെടുത്തിയത്. ശനിയാഴ്ച വൈകുന്നേരം നവീന് അറോറ തന്റെ കടയില് നിന്ന് നടന്ന് വീട്ടിലേക്ക് മടങ്ങുമ്പോഴായിരുന്നു സംഭവം.
കൊലപാതകത്തെക്കുറിച്ച് പൊലീസ് അന്വേഷണം ആരംഭിച്ചിട്ടുണ്ട്. പ്രദേശത്തെ സിസിടിവികള് പരിശോധിച്ചുവരികയാണെന്ന് ഫിറോസ്പൂര് എസ്എസ്പി ഭൂപീന്ദര് സിംഗ് പറഞ്ഞു.
കുറ്റവാളികള് നിയമപ്രകാരം ശിക്ഷിക്കപ്പെടുമെന്നും അദ്ദേഹം പറഞ്ഞു. കൊലപാതകത്തിന് പിന്നിലെ കാരണം വ്യക്തമല്ല.