Kerala
സിനിമ ടിക്കറ്റ് നിരക്ക് ഏകീകരിക്കണം: ഹൈക്കോടതിയിൽ ഹർജി
കൊച്ചി: മൾട്ടി പ്ലക്സുകളിലെ അധിക ടിക്കറ്റ് നിരക്ക് ചോദ്യം ചെയ്ത് നല്കിയ പൊതുതാല്പര്യ ഹര്ജിക്ക് പിന്നാലെ സര്ക്കാരിന് ഹൈക്കോടതിയുടെ നോട്ടീസ്.
ടിക്കറ്റ് നിരക്ക് ഏകീകരിക്കണമെന്നും അധിക നിരക്ക് തടയണമെന്നും ആവശ്യപ്പെട്ട് നല്കിയ ഹര്ജിയിലാണ് മൂന്നാഴ്ചയ്ക്കകം മറുപടി നല്കാന് സര്ക്കാരിന് ഡിവിഷന് ബെഞ്ച് നിര്ദ്ദേശം നൽകിയത്.
പിവിആര് ഇനോക്സ് ഉള്പ്പടെയുള്ള മള്ട്ടി പ്ലക്സുകള് പൊതുസമൂഹത്തിന് സാമ്പത്തിക ബാധ്യത സൃഷ്ടിക്കുന്നുവെന്നാണ് ഹര്ജിയിലെ ആക്ഷേപം. രാജ്യത്ത് പല സംസ്ഥാനങ്ങളിലും ടിക്കറ്റ് നിരക്ക് നിയന്ത്രിക്കാന് നിയമം നിലവിലുണ്ട് എന്നാല് കേരളത്തില് ഇല്ല.
സമാന വിഷയത്തില് മദ്രാസ്, തെലങ്കാന ഹൈക്കോടതികള് ഉത്തരവ് പുറപ്പെടുവിച്ചിട്ടുണ്ട്. ആന്ധ്ര, കര്ണാടക, തമിഴ്നാട് സംസ്ഥാനങ്ങള് ടിക്കറ്റ് നിരക്ക് നിയന്ത്രണം നടപ്പാക്കിയിട്ടുണ്ടെന്നും ഹര്ജിയില് പറയുന്നു.