Kerala
ചേര്ത്തല തിരോധാനക്കേസില് പ്രതി പള്ളിപ്പുറത്തെ സെബാസ്റ്റ്യന്റെ സാമ്പത്തിക ഇടപാടുകള് അന്വേഷിക്കാന് പൊലീസ്
ആലപ്പുഴ: ചേര്ത്തല തിരോധാനക്കേസില് പ്രതി പള്ളിപ്പുറത്തെ സെബാസ്റ്റ്യന്റെ സാമ്പത്തിക ഇടപാടുകള് അന്വേഷിക്കാന് പൊലീസ്.
നേരത്തെ പൊലീസ് കസ്റ്റഡിയിലെടുത്തപ്പോഴും സെബാസ്റ്റിയന് വലിയ തോതില് സാമ്പത്തിക സഹായം ലഭിച്ചെന്നാണ് പൊലീസ് അന്വേഷണ സംഘത്തിന്റെ വിലയിരുത്തല്. വസ്തു ഇടപാടുകളിലൂടെയും തട്ടിപ്പുകളിലൂടെയും സെബാസ്റ്റ്യന് സമ്പാദിച്ച സമ്പത്ത് വിശ്വസ്തരായവരിലൂടെയാണ് ചെലവഴിക്കുന്നതെന്നാണ് വിവരം.
കോടികളുടെ ഭൂമി വില്പ്പനയില് സെബാസ്റ്റ്യന് ഇടനിലക്കാരനായിരുന്നു. കാണാതായ ബിന്ദു പദ്മനാഭന്റെ പേരില് ഇടപ്പള്ളിയിലുണ്ടായിരുന്ന സ്ഥലം 2013ല് വ്യാജ ആധാരം ഉണ്ടാക്കി 1.36 കോടി രൂപയ്ക്കാണ് വിറ്റത്. ബിന്ദുവിന്റെ തന്നെ ചേര്ത്തലയിലെ കോടികള് വില വരുന്ന ഭൂമികള് 2003ല് വിറ്റതില് ഇയാള് ഇടനിലക്കാരനായിരുന്നുവെന്നാണ് പൊലീസ് വിലയിരുത്തുന്നത്.