Kerala
രാജീവ് ചന്ദ്രശേഖറെ വിളിച്ച് രാജി ഭീഷണി മുഴക്കി;പിന്നാലെ സികെ പത്മനാഭനെ കോർ കമ്മിറ്റിയിൽ ഉൾപ്പെടുത്തി ബിജെപി
തിരുവനന്തപുരം: ബിജെപി സംസ്ഥാന കോര് കമ്മിറ്റിയില് മുന് സംസ്ഥാന അധ്യക്ഷന് സി കെ പത്മനാഭനെയും ഉള്പ്പെടുത്തി.
ഇന്നലെ പുറത്തുവന്ന കോര് കമ്മിറ്റി പട്ടികയില് നിന്നും സി കെ പത്മനാഭനെ ഒഴിവാക്കിയിരുന്നു. തുടര്ന്ന് സി കെ പത്മനാഭന് സംസ്ഥാന അധ്യക്ഷന് രാജീവ് ചന്ദ്രശേഖരെ വിളിച്ച് രാജി വെക്കുമെന്ന് ഭീഷണിപ്പെടുത്തുകയായിരുന്നു. പിന്നാലെ ബിജെപി പുതിയ സര്ക്കുലര് ഇറക്കുകയായിരുന്നു.
നാളെ വാര്ത്താസമ്മേളനം വിളിക്കുമെന്നും സി കെ പത്മനാഭന് മുന്നറിയിപ്പ് നല്കിയിരുന്നു. ഇതോടെ സര്ക്കുലര് മാറ്റി ഉടന് പുറത്തിറക്കുകയായിരുന്നു. സി കെ പത്മനാഭനെ കൂടാതെ എ എന് രാധാകൃഷ്ണന്, ഡോ. കെ എസ് രാധാകൃഷ്ണന്, ഒ രാജഗോപാല് എന്നിവരെയും പുറത്താക്കിയിരുന്നു. മുന് അധ്യക്ഷന്മാരായ കെ സുരേന്ദ്രന്, വി മുരളീധരന്, പി കെ കൃഷ്ണദാസ് എന്നിവര് കമ്മിറ്റിയില് തുടരും.