Kerala
ജീവനൊടുക്കിയ തിരുമല കൗണ്സിലര് കെ അനില്കുമാറിന്റെ ആത്മഹത്യക്കുറിപ്പിലെ വിവരങ്ങള് പുറത്ത്
തിരുവനന്തപുരം: ജീവനൊടുക്കിയ തിരുമല കൗണ്സിലര് കെ അനില്കുമാറിന്റെ ആത്മഹത്യക്കുറിപ്പിലെ വിവരങ്ങള് പുറത്ത്.
ആറ് കോടിയോളം രൂപ സ്ഥാപനം നിക്ഷേപകര്ക്ക് കൊടുക്കാനുണ്ടെന്നും വായ്പ നല്കിയ 11 കോടിയോളം രൂപ തിരികെ ലഭിക്കാനുമുണ്ടെന്നും കുറിപ്പില് പറയുന്നു. പണം നിക്ഷേപകര്ക്ക് തിരികെ നല്കണം. താനും കുടുംബവും ഒറ്റപ്പൈസ പോലും എടുത്തിട്ടില്ലെന്നും തന്നെ ഒറ്റപ്പെടുത്തിയെന്നും കുറിപ്പിലുണ്ട്.
ഇന്ന് രാവിലെ സ്വന്തം ഓഫീസിനുള്ളിലാണ് തിരുമല അനിലിനെ തൂങ്ങി മരിച്ച നിലയില് കണ്ടെത്തിയത്. തിരുമല വാര്ഡ് കൗണ്സിലറായിരുന്നു.
ബിജെപി ജില്ലാ ജനറല് സെക്രട്ടറി കൂടിയാണ് തിരുമല അനില്. രണ്ടാഴ്ച മുന്പ് അനില് ബിജെപി സംസ്ഥാന അധ്യക്ഷനെ കണ്ടിരുന്നുവെന്നും ബാങ്കിന്റെ ബാധ്യതയെക്കുറിച്ച് രാജീവ് ചന്ദ്രശേഖറിനെ അറിയിച്ചിരുന്നതായാണ് വിവരം.