India
ബിഹാറിൽ അവസാനഘട്ട വോട്ടെടുപ്പ് പുരോഗമിക്കുന്നു
പട്ന: ബിഹാറിൽ അവസാനഘട്ട വോട്ടെടുപ്പ് പുരോഗമിക്കുന്നു. 20 ജില്ലകളിലെ മൂന്ന് കോടി എഴുപത് ലക്ഷം വോട്ടർമാരാണ് ബൂത്തിലെത്തുന്നത്.
1300ലേറെ സ്ഥാനാര്ഥികളാണ് രണ്ടാം ഘട്ടത്തില് ജനവിധി തേടുന്നത്. ആദ്യഘട്ടത്തില് ചിലയിടത്ത് അക്രമ സംഭവങ്ങള് റിപ്പോര്ട്ട് ചെയ്തതിനാല് വന് സുരക്ഷാ വിന്യാസത്തിലാണ് വോട്ടെടുപ്പ്. രാവിലെ തന്നെ ബൂത്തുകളിൽ വോട്ടര്മാരുടെ നീണ്ട നിരയാണുള്ളത്.
രാവിലെ 7 മുതല് വൈകീട്ട് 6 മണി വരെയാണ് പോളിംഗ് എങ്കിലും പ്രശ്ന ബാധിത ബൂത്തുകളില് 5 മണിയോടെ പോളിംഗ് അവസാനിക്കും. ആദ്യഘട്ടത്തില് കണ്ട റെക്കോര്ഡ് പോളിംഗ് രണ്ടാംഘട്ടത്തിലും ആവര്ത്തിക്കുമെന്നാണ് കണക്ക് കൂട്ടല്.
ആദ്യഘട്ടത്തില് 64.66 ശതമാനം പോളിംഗ് രേഖപ്പെടുത്തിയിരുന്നു. പോളിംഗിന് പിന്നാലെ എക്സിറ്റ് പോള് ഫലങ്ങളും വൈകുന്നേരത്തോടെ പുറത്ത് വരും.