Kerala
ആശാ വര്ക്കര്മാര്ക്ക് രണ്ട് മാസത്തെ വേതനം അനുവദിച്ച് സര്ക്കാര്
തിരുവനന്തപുരം: ആശാ വര്ക്കര്മാര്ക്ക് രണ്ട് മാസത്തെ വേതനം അനുവദിച്ച് സര്ക്കാര്. 52.85 കോടി രൂപയാണ് സര്ക്കാര് അനുവദിച്ചത്. ആശാ വര്ക്കര്മാര്ക്ക് 13,200 രൂപ ലഭിക്കുന്നുണ്ടെന്ന് ധനവകുപ്പ് അറിയിച്ചു. ടെലഫോണ് അലവന്സ് ഉള്പ്പെടെയാണ് 13,200 രൂപ നല്കുന്നത്. 7000 എന്നത് തെറ്റിദ്ധരിപ്പിക്കുന്നതെന്നും ധനവകുപ്പ് അറിയിച്ചു.
അതേസമയം സംസ്ഥാനത്ത് ആശാ വര്ക്കര്മാര്ക്ക് ലഭിക്കുന്നത് മറ്റ് സംസ്ഥാനങ്ങളേക്കാള് ഉയര്ന്ന ഹോണറേറിയമാണെന്ന് ദേശീയ ആരോഗ്യ ദൗത്യം അറിയിച്ചു. കേന്ദ്രാവിഷ്കൃത പദ്ധതിയായ ആശാ പദ്ധതി പ്രകാരമാണ് ആശാവര്ക്കര്മാരെ 2007 മുതല് നിയമിച്ചത്. അവരെ ഏതെങ്കിലും സ്ഥാപനത്തില് സ്ഥിരം ജോലിയായല്ല നിയമിക്കുന്നത്.