India
ജന്മദിനാഘോഷത്തിനിടെ കഞ്ചാവ് ഉപയോഗം, ആറ് കോളേജ് വിദ്യാര്ഥികള് പിടിയില്
ഹൈദരാബാദ്: ഹൈദരാബാദിലെ ‘കളിനറി അക്കാദമി ഓഫ് ഇന്ത്യ’യിലെ (സിഎഐ) അവസാനവര്ഷ കേറ്ററിങ് ടെക്നോളജി ബിരുദവിദ്യാര്ഥികൾ ജന്മദിനാഘോഷത്തിനിടെ കഞ്ചാവ് ഉപയോഗിച്ചു. സംഭവത്തിന് പിന്നാലെ ഹൈദരാബാദ് പൊലീസിന്റെ ഈഗിള് ഫോഴ്സ് ആറ് വിദ്യാര്ഥികളെ അറസ്റ്റ് ചെയ്തു.
സാക്ഷി ഇമാലിയ(22), മോഹിത് ഷാഹി(21), ശുഭം റാവത്(27), കരോലിന സിന്തിയ ഹാരിസണ്(19), എറിക് ജൊനാഥന് ആന്റണി(21), ലോയ് ബറുവ(22) എന്നിവരാണ് അറസ്റ്റിലായത്.
ജന്മദിനാഘോഷത്തിനിടെ ‘ഈഗിള് ഫോഴ്സ്’ നടത്തിയ റെയ്ഡിലാണ് കഞ്ചാവ് ഉപയോഗിച്ചതായി കണ്ടെത്തിയത്. പൊലീസിന്റെ ചോദ്യംചെയ്യലില് 11 വിദ്യാര്ഥികളാണ് കഞ്ചാവ് ഉപയോഗിച്ചതായി സമ്മതിച്ചത്.
തുടര്ന്ന് ഇവരുടെ മൂത്രം പരിശോധിച്ചു. ഇതില് ആറുപേരുടെ ഫലം പോസിറ്റീവായിരുന്നു. തുടര്ന്നാണ് ആറ് വിദ്യാര്ഥികളുടെ അറസ്റ്റ് രേഖപ്പെടുത്തുകയായിരുന്നു.