Kerala
അനന്തു കൃഷ്ണന് പ്രതിയായ തട്ടിപ്പ് കേസ്; കോണ്ഗ്രസ് നേതാവ് ലാലി വിന്സെൻ്റ് പ്രതി
കണ്ണൂര്: സ്ത്രീകള്ക്ക് ഇരുചക്രവാഹനം പകുതിവിലയ്ക്ക് നല്കുമെന്ന് വാഗ്ദാനം ചെയ്ത് കോടിക്കണക്കിന് രൂപയുടെ തട്ടിപ്പ് നടത്തിയ കേസില് കോണ്ഗ്രസ് നേതാവ് ലാലി വിന്സെൻ്റ് പ്രതി.
കണ്ണൂര് ടൗണ് പൊലീസെടുത്ത കേസിലാണ് കോൺഗ്രസിൻ്റെ വനിതാ നേതാവും പ്രതിയായിരിക്കുന്നത്. അനന്തു കൃഷ്ണന് ഉള്പ്പെടെ കേസില് ഏഴ് പ്രതികളുണ്ട്. ലാലി വിന്സെന്റ് ഏഴാം പ്രതിയാണ്.
അതേസമയം സിഎസ്ആര് ഫണ്ടിന്റെ മറവില് അനന്തുകൃഷ്ണന് നടത്തിയ വന്കിട തട്ടിപ്പുകളില് അന്വേഷണം ക്രൈംബ്രാഞ്ചിന് കൈമാറും. സാമ്പത്തിക കുറ്റകൃത്യം അന്വേഷിക്കുന്ന സംഘമാണ് തട്ടിപ്പ് അന്വേഷിക്കുക. കൊച്ചി യൂണിറ്റിനാണ് അന്വേഷണ ചുമതല. അനന്തു കൃഷ്ണനെതിരെ പരാതികള് വ്യാപകമായ സാഹചര്യത്തിലാണ് അന്വേഷണം ക്രൈംബ്രാഞ്ചിലേക്ക് മാറ്റുന്നത്.