Kerala
ബസ് നന്നാക്കുന്നതിനിടെ പൊട്ടിത്തെറിച്ചു, മെക്കാനിക്ക് മരിച്ചു
ആലപ്പുഴ ∙ ഐഎച്ച്ആർഡി എൻജിനീയറിങ് കോളജിൽ ബസ് നന്നാക്കുന്നതിനിടെ ഉണ്ടായ പൊട്ടിത്തെറിയിൽ മെക്കാനിക്ക് മരിച്ചു. കട്ടച്ചിറ സ്വദേശിയായ കുഞ്ഞുമോൻ ആണ് മരിച്ചത്.
രണ്ടു ദിവസമായി കേടായിക്കിടന്നിരുന്ന ബസ് നന്നാക്കുന്നതിനിടയിൽ പൊട്ടിത്തെറിക്കുകയായിരുന്നു.
വൈകിട്ട് ആറരയോടെയായിരുന്നു ബസിനുള്ളിൽനിന്ന് പൊട്ടിത്തെറി ഉണ്ടായത്.
ഗുരുതരമായി പരുക്കേറ്റ കുഞ്ഞുമോനെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. എൻജിന്റെ ടർബോ ചൂടായി പൊട്ടിത്തെറിച്ചെന്നാണ് നിഗമനം.